Sunod naman nga isyuhan sang show cause order ang drayber kag konduktor sang modernized jeepney nga nag-overloading sang pasahero.
Sa interview sang Bombo Radyo Bacolod kay Land Transportation Office – Negros Island Region Director Jeck Conlu, naserbehan na sang show cause order ang presidente ukon chairman sang kompanya sang MBMJ and UY Transport Services Inc.
Suno diri, sunod naman nga padal-an sang show cause order ang drayber kag konduktor nga ginreklamo sang isa ka pasahero nga wala untat nga nagapasaka sang pasahero bisan nga nagagutok na ang sulod sang jeep.
Panawagan ni Conlu, ipalab-ot sa ila sa LTO ang ini nga kaangay nga problema agud mahatagan sang tikang.
Pahanundom sini sa mga drayber kag konduktor nga likawan ang sobra-sobra nga pasahero agud indi mabutang sa risgo ang safety sang pasahero.
