Tatlo ka adlaw matapos ang trahedya sa Ninoy Aquino International Airport Terminal 1 nga gintunaan sang kamatayon sang duha ka mga pasahero, ang 47-anyos nga driver sang SUV nga imbolbado sa insidente ang wala pa nakapagwa sang statement.
Sang Lunes, ang driver ang nagpaidalum sa online inquest proceedings sa Pasay City Prosecutor’s Office, kag nag-atubang sa kaso nga reckless imprudence resulting in two counts of homicide, multiple physical injuries, kag damage to property.
Apang apisar nga may naka-assign na nga abogado diri, wala gihapon nakapagwa sang pahayag ang driver.
Suno kay Atty. Revelyn Ramos-Dacpano, Regional Public Attorney kag Head Executive Support Staff sang PAO-NCR, nagrely lamang ang abogado sa dokumento nga ginpadala sa iya kag ang sabat lamang sang driver amu nga siya ang namental block.
