Pilason ang driver sang motorsiklo kag van sa aksidente nga nagluntad sa Circumferential Road sa bahin sang Barangay Bata, Bacolod City alas-4:30 sang aga.
Sa interview sang Bombo Radyo Bacolod kay Police Major Elmer Bonilla, head sang Traffic Management Unit sang Bacolod City Police Office, ang motorsiklo kag van ang nagabyahe sa parehas nga dereksyon.
Ang 24 anyos nga driver sang motorsiklo, nga residente sang Brgy Villamonte, Bacolod City ang nahibaluan nga nagpondo sa kilid sang dalan agud magsuksok sang raincoat bangod naga-ulan, apang ini ang nalab-ot sang side mirror sang Isuzu van nga ginamaneho sang 33 anyos nga residente sang Cadiz City.
Bangod sini, natumba kag nagslide sa dalan ang motorsiklo gani ini ang nakaangkon sang minor injuries.
Samtang ginapahayag nga ginatuyo naman ang driver sang van, kag ini ang nakibot sang matabo ang insidente gani nadulaan man ini sang control sa manubela.
Ang van ang nagtaklas sa gutter kag nagpondo sa poste sang solar light, nga nagresulta sang parehas nga pagkatumba sang poste kag van.
