Subong nga adlaw natalana nga iturn over sang local government unit sang Siocon, Zamboanga Del Norte sa Provincial Disaster Risk Reduction and Management Office ang duha ka mga mangingisda nagikan sa Sipalay City nga ginreport nga namissing sang Pebrero 18.
Matapos ang lima ka adlaw nga nagpa-utaw-utaw sa tunga sang kadagatan, nakit-an na ang duha ka mangingisda nga taga nga gin-anod sa Barangay Balagunan, Ciocon, Zamboanga del Norte kahapon sang aga.
Pebrero 18 sang gin-report nga namissing sanday Alexander Alagao, 73-anyos kag Rico Noguia, 53-anyps kag lunsay mga taga-ciudad sang Sipalay matapos nakaangkon sang engine trouble ang ila nga sakayang-pandagat.
Gilayon man nga nagpatigayon sang search and rescue operation ang Philippine Coast Guard, Bantay Dagat kag Sipalay DRRMO apang wala gid nakit-an ang duha ka mga mangingisda.
Sa interview sang Bombo Radyo kay Sipalay DRRMO head Dionelo Bogtae, ginpahayag sini nga sa karun yara na sa maayo nga kahimtangan sanday Noguia kag Alagao.
Suno kay Bogtae, magabyahe ang mga ini humalin sa Dipolog padulong sa Dumaguete City kag didto na lang sila sugaton sang DRRMO.
