Ginalantaw nga mahimo nagdangat sa masobra P100 billion ang economy losses sang “ghost” flood control projects humalin sang 2023 tubtob 2025, base sa estimates sang Department of Finance (DOF).
Sa briefing sang Senate Committee on Finance sa Development Budget Coordination Committee (DBCC) sa ginaduso nga P6.793-trillion 2026 national budget, ginpabutyag ni Finance Secretary Ralph Recto ang pagkadismaya sa gina-alegar mga anomaliya kag kurapsiyon sa flood control projects sang Department of Public Works and Highways (DPWH).
Base sa pagbanta sang DOF, ginpahayag ni Recto nga nadula ang P42.3 billion tubtob P118.5 billion sa ekonomiya sang Pilipinas halin sang 2023 tubtob 2025.
Ang economic cost ang katumbas sa 95,000 tubtob 266,000 nga trabaho nga makabenepisyo sa mga Filipino.
Nagkomiter sang iya bug-os nga suporta ang Finance chief sa mandu sang Presidente nga i-scrutinize sang maayo ang 2026 National Expenditure Program.
