Ellen Adarna, ginpanginwala ang pahayag nga good provider si Derek Ramsay sa ila bata nga si Liana

Ginsabat na ni Ellen Adarna ang mga alegasyon sang publiko angot sa financial support nga ginahatag ni Derek Ramsay sa ila bata nga si Liana.

Ini kasunod sa gin-upload nga episode sa YouTube show ni Cristy Fermin nga nagpahayag nga maayo ang pag-atipan kay Liana bangud sa pinansyal nga suporta nga ginahatag sang iya amay nga si Derek.

Suno sa aktres nga baliskad sa nangin statement ni Fermin, siya ang nagapasweldo sa tanan niya nga timbang sa sulod sang balay.

Pahayag niya nga ini man ang nagabayad sang ila balay kag nagagasto sa groceries.

Bangud sini, ginpangabay sang aktres ang netizens nga untaton na ang pagtawag kay Derek bilang ‘good provider’ bangud nga indi man ini ang kamatuoran.