Empleyado sang Dumaguete City government, dakop sa drug buybust operation

Dakop ang isa ka empleyado sang Dumaguete City Local Government Unit (LGU) sa ginpatigayon nga buybust operation sa Barangay Camanjac, Dumaguete City, Negros Oriental nagligad nga Agosto 16 sang gab-i.

Sa impormasyon nga nakuha sang Bombo Radyo Bacolod, ang suspetsado ang ginkilala kay Regienaldo Peque Ando, 46-anyos kag residente sang Barangay Maslog, Sibulan, Negros Oriental.

Nakuha sa paghinakop sini ang duha ka bulto sang suspected shabu nga nagabalor 68 mil pesos kag iban pa nga drug paraphernalia.

Yara na karon sa kustodiya sang Dumaguete City Police Station si Ando kag natalana nga pasakaan sang kaso.