Karun nga ginapaabot na ang dako nga pagsaka sang fuel prices bangod sa epekto sang gyera sa Middle East, nagapanawaga sang nagakaigo nga tikang sang gobyerno ang Provincial Consultant on Energy sang Negros Occidental.
Sa interview sang Bombo Radyo Bacolod kay former Negos Occidental governor Rafael “Lito” Coscolluela, ang tikang nga nakita nila nga mahimo sang gobyerno amo ang pagwaive sang fuel excise tax, paghatag sang fuel subsidy kag price control sa mga fuel companies.
Suno diri, madamo na siya sang mga nabalitaan nga nagahimo sang “profiteering.”
Pahayag sini nga dapat magtukod sang task force ang Department of Energy upod sa local government kag mga kapulisan agud maseguro nga wala sang nagamintaha nga negosyante.
Pahanumdom sini nga indi dapat apektado sang dako nga pagsaka sa presyo ang mga fuel products nga nabakal na ngadaan, apang subong palang, madamo na sang fuel companies nga nagapataas sang presyo.
Suno diri, dapat ideputize sang DOE ang kapulisan agud sila ang makapanakop.
Suportado sini nga dapat mareview ang oil deregulation law kag ang train law bangod may mga provision nga nagaprebentar agud mangin effective ang gobyerno.
