Ginpahayag ni Energy Secretary Sharon Garin sang Huwebes nga bastante ang fuel reserves sang Pilipinas apisar may paglupok sang presyo nga dala sang tensyon sa Middle East.
Suno diri, ang domestic fuel reserves, nalakip na ang stockpile sang fuel retailers kag ang mga order nga yara na sa biyahe ang makasustento sang pungsod sa masunod nga 50 ka adlaw.
Ginpaathag sang Energy chief nga ang gobyerno ang nagapangita man sang iban nga makuhaan sang fuel, magluwas sa supplier pareho sang Middle Eastern producers.
Suno diri, sa ini nga semana, nag-ugyon ang fuel retailers nga i-stagger ang dako nga pump price hike nga dala sang pagsira sang Strait of Hormuz bangud sa conflict sang US-Israel batok sa Iran.
Santo sa datos sang Department of Energy, ginpasakaan sang retailers ang presyo sang gasolina kada litro sang P7.00 tubtob P13.00, diesel sang P17.50 tubtob P24.25, kag kerosene sang P32.00 tubtob P38.50.
