Nagpasalig ang tiglikom sang Department of Energy (DOE) nga may supesyente nga supply sang produktong petrolyo sa Pilipinas kag dako pa ang oras para sa masunod nga pagbakal sang supply.
Sa interview sang Bombo Radyo Bacolod kay Energy Secretary Sharon Garin, manami ang report nga ginpadala sa ila sang mga oil companies matapos nila ginpacheck kun bala may yara pa sang 50 to 60 days nga supply.
Suno diri, wala sang dapat ikabalaka bangod may iban man nga pungsod nga mahimo baklan magluwas sa Middle East apang pagatun-an pa kun pila ang mangin presyo.
Suno kay Garin, mahimo sila makabakal sang produktong petrolyo sa North America, South America, Australia, Europe kag Russia.
Pahayag sini, padayon ang pagreport sang mga oil companies sa ila mga contingency plan sa pagsira sang strait of hormuz kun diin kalabanan sang mga oil tankers naglabay sa pagtransport sang produktong petrolyo.
