Wala pa sang may narekord nga body count ukon pilason sa bahin sang Northern Negros front (NNF) sang New People’s Army sa nagluntad nga engkwentro sa Barangay Macasilao banwa sang Calatrava, kahapon sang aga.
Nagdangat sa anum ka minutos ang pagbayluhanay sang lupok sa tunga sang mga rebelde kag 79th IB sang Philippine Army kag ginabanta anum tubtob pito ka mga rebelde ang naengkwentro sang tropa sang gobyerno.
Sa interview sang Bombo Radyo Bacolod kay Lieutenant Colonel J-Jay Javines, Public Affairs Office Head sang 3rd infantry Division sang Philippine Army, may yara sang nakita nga dugo sa area kun diin nagluntad ang engkwentro apang wala pa nahibaluan kun sin-o ang nasamaran sa mga rebelde samtang wala naman sang napilasan sa kasuldadohan.
Paathag ni Javines, ang natabo nga engkwentro ang wala sang may kaangtanan sa filing sang Certificate of Candidacy ukon sa pulitika apang luyag lamang sang mga rebelde nga marekober ang ila nga area.
