ERC, may draft resolution sa pagkakas sang 12 percent VAT sa mga system loss charges sa bill sang kuryente

Ginaduso sang Energy Regulatory Commission (ERC) ang draft resolution nga kakson ang 12 percent nga Value-Added Tax (VAT) nga ginapatuman subong sa system loss charge, suno sa ahensya sa isa ka statement.

Sa draft resolution, ginaduso nga i-reclassify ang system loss charge bilang government-mandated pass-through cost.

Bangud sini, indi na ini madala sa gross receipts sang generation companies, distribution utilities, kag sang National Grid Corporation of the Philippines, kag nagakuha sang VAT nga ginapapas-an sa mga kunsumidor.

Base sa bag-o nga pagsulundan, ginabayran sang mga kunsumidor ang nadula nga kuryente kag napwersa nga mag-abaga sang dugang nga 12 percent tax.