Napilitan nga magbalik sa Zamboanga International Airport ang isa ka Cebu Pacific flight nga padulong kuntani sa Tawi-Tawi sang Domingo bangud sa isa ka “aircraft technical issue” suno sa Civil Aviation Authority of the Philippines (CAAP).
Ang flight 5J4965, nga nagadala sang 157 ka mga pasahero, ang nakaschedule nga magbiya sa Zamboange alas 11:35 sang aga kag mag-abot sa Tawi-Tawi alas 12:30 kahapon sang hapon.
Suno sa CAAP advisory, isa ka Cebu Pacific flight nga padulong sa Tawi-Tawi ang luwas nga nakabalik sa Zamboanga International Airport sang aga bangud sa isa ka aircraft technical issue.
Suno diri, isa ka recovery flight nga may isa ka changed aircraft ang naschedule kag may ginabanta nga estimated departure time nga alas 3:00 sang hapon.
Nagpangayo sang pasaylo ang airline bangud sa inconvenience nga natuga sini sa mga pasahero.
Wala naman sang may nareport nga nasamaran sa insidente.
