Apisar ano pa ang motibo sa pag-patay kay incumbent SP member Bernardino “Toto” Patigas, ini ang gina-konsiderar sa gihapon nga may kaangatan sa eleksyon.
Ini ang nangin pahayag sang commander sang 303rd Infantry Brigade nga si Brigadier General Benedict Arevalo sa pagtiro-patay kay Patigas sa Purok Highschool, Barangay Alimango sa syudad sang Escalante sadtong Abril 22 sang hapon.
Suno kay Arevalo, yara na sa orange category ang syudad gikan sa yellow category sa diin ini ang makabig na sa subong nga immediate concern.
Nakabaton man sang impormasyon ang General nga isa ka active supporter sang New People’s Army ang konsehal apang ini ang ila pa gina-verify kun matuod ang impormasyon ukon indi.
Madumduman nga papuli na si Patigas sakay sa iya motorsiklo nga gina-maneho sa ila puluy-an sa Sitio Cogon 1 sa Barangay Alimango sang ini ang gin-sundan sang suspetsado nga sakay man sa motorsiklo kag gintiro sa likod kag sa iya ulo rason sang iya gilayon nga kamatayon.
Date of Airing: April 24, 2019
