Sa panahon subong ang tagsa tagsa ang nagahimo nalang gid sang pamaagi agud nga makakinot bangud sa kamahal sang tanan.
Kaangay lamang sang isa ka estudyante sa Canada nga mas ginpili nga magsakay sa eroplano kun mag-eskwela.
Sa Calgary naga-puli ang estudyante, nga 687 kilometers ang kalayuon sa University of British Columbia (UBC) sa Vancouver, Canada.
Suno sa estudyante mas dako ang makinot niya kun magpauli ini kun ipaanggid sa magrenta sang apartment nga malapit sa eskwelahan.
Suno sa iya, nga nagalab-ot lang sang 150 Canadian dollars ukon P6,000 ang roundtrip ticket sang estudyante kag ang renta naman sang one-bedroom apartment sa Vancouver ang malapit sa eskwelahan ang nagadangat sa 2,100 asta 2,500 Canadian dollars ukon P86,000 asta P102,000.
Gani, mas ginpili niya nga magsakay sa eroplano agud makatipid sa iya pagskwela.
