BACOLOD CITY – Naka-file na sang Motion for Reconsideration si anay Bacolod City Councilor Carl Lopez may kaangtanan sa dismissal order sang Office of the Ombudsman bangud sa kaso sini nga Grave Misconduct Misconduct kag Usurpation of Authorityor official function.
Ini ang gin kumpirmar mismo ni Lopez kadungan sang pahayag nga madugay na ini nga isyu kag nga-a bag-o lang ini gin paguwa sang kampo sang anay alkade sa Bacolod Monico Puentevella.
Nagapati si Lopez nga himo-himo ang akusasyon sa iya nga gin manduan sini ang anay Bacolod Traffic Authority Office (BTAO) sa pagpamuno sang una ni Senior Inspector Benedicto Villarias nga hatagan sang exemptions sa gina patuman nga truck ban ang mga delivery vans nga may unod nga agricultural products kag perishable goods.
Suno sa anay konsehal nga wala ini nahatagan sang kahigayunan sang una nga makakuha sang ebidensiya bangud sa tion pa ni anay Mayor Puentevella ang kaso.
Ginpaathag man sini nga indi mando sa BTAO head ang iya nangin tikang kundi, rekomendasyon lamang bilang chairman sang committee on transportation sa Sangguniang Panlungsod.
Apang sa karun naga-pati ini nga ma-overturn ang desisyon sa karun nga nakatipon ini sang mga ebidensiya.
