Gin-turnover na sang Senado ang kustodiya kay former Department of Public Works and Highways (DPWH) Bulacan 1st district engineer Henry Alcantara sa Department of Justice (DOJ).
Ini makaligad ang pila kaadlaw nga gin-anunsyar sang DOJ nga napaidalom na sa Witness Protection Program (WPP) si Alcantara kag karon ginakonsiderar na nga state witness sa imbestigasyon sang gobyerno angot sa maanomaliya nga flood control projects.
Suno sa report, naghalin sa Senate ang salakyan kun sa diin nakasakay si Alcantara pasado las-12:50 sini nga hapon, Enero 21. Suksok sini ang helmet kag protective vest.
Sa mensahe naman nga ginpadala sa mga reporter, ginpahayag ni Justice spokesperson Polo Martinez nga sayluhon ang anay opisyal sa WPP.
Sa pihak sini, magatambong sa gihapon si Alcantara sa Senate hearings.
