Gin-ako sang anay opisyal sang Department of Public Works and Highways (DPWH) nga gingamit sini ang duha pa ka opisyal sang ahensya agud idul-ong sa iya ang P130 million nga gina-alegar “token money of gratitude” gikan kay Ako Bicol party-list Rep. Zaldy Co.
Sa iya una nga pag-atubang bilang state witness sa Sandiganbayan Sixth Division, ginpahayag ni anay DPWH Undersecretary Roberto Bernardo ang nangin sistema sang suhulay.
Ang pahayag ang angot sa ginapangatubang nga malversation charges sang 16 ka mga indibidwal, nalakip na si Co, kag iban pa nga anay mga opisyales sang ahensya, bangud sa gina-alegar substandard nga proyekto sa Oriental Mindoro.
Suno kay Bernardo, nagbaton ini sang P100 million nga parte nga nag-agi kay anay DPWH First District Engineering Office District Engineer Henry Alcantara, samtang ang dugang nga P30 million ang ginpaagi naman kay anay DPWH 4B Regional Director Gerald Pacanan.
Gin-athag sang anay undersecretary nga indi personal ang iya pagbaton sang kwarta.
