Na-aprubahan na sang Sangguniang Panlungsod sang ciudad sang Bacolod ang ordinansa para sa extension sang Business One-Stop Shop (BOSS).
Suno kay Atty Caesar Distrito, Chairperson sang Committee on Laws and Ordinances, ini ang sabat sa hingyo ni Mayor Greg Gasataya nga pag-extend sang Business One-Stop Shop.
Suno diri, naaprubahan na nga magalawig ang BOSS tubtob sa Marso 31, 2026.
Ang makakuha sang permit halin sang Enero 5 tubtob Pebrero 28 maka-avail sang 10 percent discount apang ang maprocess humalin Marso 1 tubtob Marso 31 indi na maka-avail sang discount.
Samtang, matapos ang Marso 31, kun may yara sang maprocess sang permit, may yara na sang bayad para sa interes kag penalty.
Pahayag ni Distrito, dapat mabayad ang tax payer sang timprano para sa discount kag nagpahanumdom man ang konsehal nga may yara sang penalty nga bayaran kun ulihi na magprocess sang permit.
