Ginpaboran na sang korte sang Timor Leste ang hingyo sang Pilipinas nga extradition ukon pagpabalik sa pungsod kay former Negros Oriental Representative Arnolfo “Arnie” Teves.
Ginpahayag sang Department of Justice nga nakuha gid man ang kadalag-an matapos mabaton ang impormasyon nagikan sa Attorney General sang Timor-Leste.
Suno sa ahensya, ila ginalauman ang pag-abot ni Teves agud maatubang na sini ang mga kaso batok sa iya sa lokal nga mga korte.
Si Teves ang ginatudlo nga mastermind sa pagpatay kay the late Negros Oriental Gov. Roel Degamo kag iban pa nga sibilyan sang 2023.
Hugot naman nga ginapanginwala ni Teves ang mga alegasyon batok sa iya.
Sang tinalikdan nga Marso, naaresto si Teves samtang nagahampang sang golf sa Timor Leste.
Kasunod sini ang hearing nga ginpatigayon natuhoy sa hingyo sang Pilipinas nga siya ang ibalik sa pungsod agud maatubang ang iya mga kaso.
