Kun ikaw ang isa ka empleyado dapat nga siguruhon mo nga nakatime-in ka agud nga ikaw ang mabayaran.
Apang pinasahi ang natabo sa isa ka kumpaniya bangud nakibot ang isa ka employer sa Wenzhou City, China matapos matukiban nga ginatunto siya sang iya mga empleyado.
Suno sa report, bisan absent ang iya mga empleyado, nagakatingala ini nga may record sila sa facial recognition system sang kumpanya.
Natukiban sang employer paagi sa isa ka CCTV footage nga nagagamit sang maskara nga papel nga may nawong sang mga empleyado nga ma-recognize sang ila biometric agud makasweldo apisar wala nagasulod sa trabaho.
Nadakpan sini ang isa niya ka tinawo nga ginapatihan amo ang mastermind sa pagbuhat sang nasambit nga butang.
Tungod sa sini nga buluhaton, madamo sang mga netizens ang nagkondenar sang ila ginbuhat, kag ginrekomenda ang pagsipa sa ila sa trabaho, ilabi na subong nga madamo ang nagapangita sang obra.
