Ginlunsyar sang Food and Drug Administration (FDA) ang improved verification portal nga nagahatag sang kahigayunan sa mga bumalakal agod nga mahapos nga tsekyaron kun rehistrado, lisensyado, kag safe nga usaron ang mga produkto nga ginabaligya sa merkado.
Paagi sa nasambit nga portal, mahimo man nga lantawon sang publiko ang registration status sang mga pagkaon, bulong, cosmetics, kag iban pa nga regulated products mangin ang mga establisyimento sa diin ginabaligya ang mga ini.
Gina-feature sa portal ang mas ginpahapos nga search box nga nagabaton sang mga keyword, ngalan sang produkto, registration numbers, pangalan sang kumpanya, kag voice searches.
Suno kay FDA Spokesperson Khay Ann Magundayao-Borlado, nga ma-access ang portal sa verification.fda.gov.ph ukon paagi sa official site sang FDA.
Pahayag sang opisyal, nga sa nasambit nga tikang may yara na sang mas mabaskog nga proteksyon ang mga consumer bangud nagaagi na sa husto nga proseso kag safe nga gamiton ang mga produkto nga ginagamit nila.
