Tumalagsahon nga kaso ang ginreport sa China matapos nga nakuha sang mga doktor ang isa ka malformed twin sa utok sang isa ka tuig nga bata nga babayi.
Ini bangud may isa ka bata nga nagpakita sang mga senyales sang pagdako sang iya ulo nga nangin rason nga tukibon kun ano ini.
Ang nakuha nga partially formed twin, ang may mga tul-an kaangay sang spine, mga butkon, kag mga tudlo.
Nahibaluan nga ang pinasahi nga hitabo, nga kilala sa tawag nga fetus-in-fetus, ang nagakatabo kaisa sa 500,000 ka mga ginabun-ag kun sa diin ang isa ka kapid ang sa nagadako sa sulod sang kapid sini.
Ang fetus-in-fetus masami nga nagakasal-an nga sa isa ka sahi sang tumor, apang mahimo ini makilala paagi sa presensya sang aktwal nga mga bahin sang lawas.
Samtang ang kalabanan nga mga kaso ang ginalakipan sang pagtubo sang mass sa tiyan, kag talagsa lang ini makita sa utok.
Wala pa sa 200 ka mga kaso ang nadocument sa bug-os nga kalibutan, kag nagadugang ini sa magamay nga kaso, kun sa diin ang kapid ang nagadako sa isa ka tumalagsahon nga parte sang lawas.
Ang ini nga tumalagsahon nga kaso ang narecord sang mga doktor sa Shanghai, China sang Marso, 2023.
