Nagpirma sang kasugtanan ang FIFA kag Philippine Sports Commission (PSC) para sa full-scale rehabilitation kag modernization sang Rizal Memorial Football Stadium.
Nagtambong sa signing ceremony si FIFA President Gianni Infantino upod kanday Executive Secretary Ralph Recto kag PSC Chairman Patrick Gregorio.
Yara man si Philippine Football Federation (PFF) President John Gutierrez upod sa iban nga mga opisyal halin sang FIFA, kag Asian Football Confederation, kag sang ASEAN Football Federation.
Antes ang event, ginhatagan sang malip-ot nga tour sa stadium si Infantino kag ang iya team.
Nagpasalig ang FIFA president sang commitment sang international association sa paghimo sa football nga accessible sa tanan sa bilog nga kalibutan.
Ginpahayag ni Gregorio nga pondohan ang rehabilitation sang stadium sang $25-million nga donasyon sang FIFA sa Pilipinas para sa football development, kag wala sang gasto ang gobyerno sang pungsod.











