Nakilal-an na ang isa ka Pilipino nga nalakip sa mga nadula kasunod sang malapad nga flash flood sa Nepal kag ini ang ginkumpirmar sang Nepalese Authorities.
Ang utod sini nga babayi ang nagpanawagan man sa social media.
Santo sa isa ka official log sang Department of Tourism sa Nepal, si Juan Carlos Manalo, isa ka doctor, nga naggikan sa Pilipinas ang nalista bilang missing person.
Si Manalo ang gin-identify man bilang parte sang “trekkers society”.
Suno kay Chaira Manalo, nga nagpakilala nga utod ni Juan Carlos, wala na sila sang contact sa iya nga utod humalin sang Agosto 26 kun san-o nagluntad ang trahedya.
Sa Immigration Office sa Gyirong ang pinakaulihi nga ginhamtangan ni Manalo kaupod ang grupo nga Isha Sadghuru.
Suno kay Chiara, nagapangayo naman sila sang bulig sa gobyerno sang Pilipinas.
Gin-contact man sini ang Philippine Embassy sa New Delhi, kag ginhatagan siya sang numero nga paga-kontakon apang indi malab-ot ang numero.
Nagpanawagan man ini sa kun sin-o man ang kaupod ni Juan Carlos sa tour nga magpalab-ot sang mensahe ukon biskan ano nga impormasyon.
Una na nga ginkumpirmar sang Philippine Ambassador to New Delhi Josel F. Ignacio nga may isa ka Filipino nga nalista nga missing.
