Nagapasalamat ang pila sa mga seafarers nga nastranded sa Persian Gulf nga sila ang wala nagakawad-an sang pagkaon bisan nga yara sa war zone.
Sa interview sang Bombo Radyo kay Benedicto Tabusares Jr., isa sa mga Filipino seafarer nga nastranded, sila ang naga-drifting lamang bangud indi sila makahalin tuga sang pagsirado sang Strait of Hormuz.
Suno kay Tabusares, nag-abot sila sa lugar sang Pebrero 28 agud nga magdiskarga.
Pahayag sini nga nasaksihan nila mismo ang pag-ulan sang mga missiles nga daw kaangay sang kilat.
Suno diri, sang Marso 1 wala na sang may nakalabay sa Strait of Hormuz.
Pahayag ni Tabusares nga sila ang nagasaylo-saylo sang lugar para sa ila nga seguridad.
Wala man ini nahadlok bangud daw kaangay na lamang nga normal ang giyera didto apang nagakahangawa lamang ini nga sila ang masalabat sang mga missiles kag drones.
Ginpahayag man sini nga wala sila sang problema sa pagkaon bangud natalana man sila nga magkuha sang pagkaon nga gindeliver sang tug boat.
May yara sila sang stock nga bottled water para sa ila nga ilimnon kag nagadesalinate sila sang tubig dagat para sa ila nga panglaba kag panghugas sang iban nga mga gamit.
Mensahe sini nga buligan sila sa pagpangamuyo nga matapos na ang giyera.
