Ginpatigayon kaina sang aga ang final testing kag sealing sang Automated Counting Machines sa 398 ka polling precinct sa ciudad sang Bacolod.
Sa interview sang Bombo Radyo Bacolod kay Atty Revo Sorbito, Election Officer sa Bacolod City, nagsurpervise ini sa Bacolod National High School kun sa diin ginkakibot sini nga madamo sang tawo ang nagpadulong para magpartisipar sa testing sang ACMs.
Suno diri, sa kada precinct may pulo lang ka tawo nga pwede makapartsisipar sa mock elections apang ang iban nga indi malab-otan ang pwede man makalantaw para may ideya na sila kun paano magboto.
May yara man sang 56 contingency machines pananglitan nga may yara sang maaberya nga ACMs.
Pahayag ni Sorbito, sa Lunes may yara sang early voting para sa mga PWDs, senior citizens kag pregnant women halin alas- 5:00 sang aga tubtob alas- 7:00 sang aga, kag amo naman ang pagsugod sang regular voting.
Suno sa election officer, handa naman ang mga Board of Election Inspectors kun sa diin ang chairman ang magabaton sang P12,000.
Samtang, isa sa nagpadulong sa Bacolod City National High School ang botante nga si Rowena sang Brgy Taculing, Bacolod City.
Suno diri, luyag sini nga mahibaluan kun paano magboto gamit ang Automated Counting Machines para sa eleksyon.
