Ginkumpirmar sang chairman sang City Fisheries and Aquatic Resources Management Council sang Bacolod City nga quality nga produkto ang biodiesel.
Sa interview sang Bombo Radyo Bacolod kay Joaquin Malacad, wala gid sang problema ang biodiesel nga produkto bangud siya mismo ang nagagamit sini bilang gatong sa pagpanagat.
Suno kay Malacad, ini ang ginagamit nila nga gatong para sa pagpanagat sa mga malayo nga lugar kun sa diin nakalab-ot sila sa Guimaras kag Dumangas.
Suno diri, wala man sila sang nakita nga problema bangud kun may ara naguba na ang ila nga motor sa bangka nga ginagamit sa panagat bangud sa kalayuon sang ila nga ginbiyahe.
Dugang pa sini nga madamo sang mga mananagat nga magagamit sini bangud tuman na kamahal ang krudo.
Dako man nga bulig sa ila ang nasambit nga produkto ilabi na sa karun nga indi masarangan ang presyo sang diesel kag wala sang kasiguruhan ang pagpanagat.
