Aminado ang isa ka flower vendor sa likod sang BAYS Center nga nakabawi-bawi man sila sa ila nga kapital apisar nga wala naubos ang ila nga stock sang mga bulak para sa Valentine’s Day.
Sa interview sang Bombo Radyo Bacolod kay Ester Alibudan, flower vendor, ginpahayag sini nga kapin ¼ pa sang ila nga stock sang bulak para sa Valentine’s Day ang nabilin.
Apang nagapasalamat naman ini nga nakaginansya sila sang gamay apisar nga may yara sang COVID-19 pandemic.
Suno sa iya, dako gid ang epekto sang pandemic sa ila nga palangabuhian.
Ila naman ginalantaw nga posible pagkatapos pa sang duha ka semana mabalik sa normal ang presyuhanay sang mga bulak bangud nga ang stock nga ila ginabaligya subong ang iya pa ka Valentine’s Day gani medyo may kamahalan ini.
Nagadepende man suno sa iya ang ila nga presyo sa hatag sang supplier halin sa Baguio kag Cebu.
