BACOLOD CITY — Nagsaka ang numero sang mga foreign nationals nga nagaistar sa Bacolod kag Negros Occidental nga nagbayad sang annual report sa Bureau of Immigration sang tuig 2017 kun ipaanggid sang tuig 2016.
Suno kay Mita Chuvy Arguelles, alien control officer sang Bacolod Immigration Field Office, 958 ka foreign nationals nga permanent/temporary residents ang nagkadto sa opisina agud nga magbayad sang annual report.
Ini ang ginalakipan sang 45 ka nationalities kun sa diin nagapanguna ang mga Indian, American kag Chinese.
Ang amo nga figure ang mas mataas kun ipanggid sa 832 ka foreign nationals sang tuig 2016 nga ginalakipan sang 44 ka nationalities.
Sang tuig 2016, nagpanguna ang American, Chinese kag Indian.
Samtang, nagsaka man ang numero sang application para sa visa extension nga nagdangat sa 6, 417.
Ini ang ginabug-usan sang 83 ka nationalities.
Ang top 3 nationalities nga nag-apply para sa visa extension ang ginalakipan sang Korean, American, kag Japanese.
Sang tuig 2016, 6278 ka application for visa extension ang nabaton sang Bacolod Immigration Field Office.
Kadungan sini, nagpanawagan si Aguelles sa mga permanent residents nga magreport sa Immigration Office antes ang Marso 1 agud magbayad sang annual report kag makalikaw sa multa.
