Kumpyansa si former Bacolod City Mayor Luzviminda “Joy” Valdez nga mabasura ang kaso sini angot sa pagpeke sang kapin pito ka cash slip, kag pagpadako sang reimbursement expenses sa P364,778 gikan sa dapat P2,000 lamang.
Ginpamatbatan nga guilty si Valdez kag si Brendo Eligio nga nasgerbe bilang Secretary to the Mayor kay Valdez.
Ang reklamo ang ginfile sang 2012, nga ginpanindugan sang prosecutor nga maathag nga may intensyon sa pagpangawat sang public funds.
Suno sa Prosecutor, P364,778 ang ginsukot ni Valdez para sa expenses nga sa kamatuoran sulusobra lamang sa dos mil pesos.
Na-acquit naman ang tatlo ka iban pa nga nagserbe sa idalom ni Valdez, kaangay nanday Ricardo Dahildahil Jr., anay pinuno sa management and audit service office; former city accountant Eduardo Ravena; kag ang clerk nga si Lalaine Villalva.
Sa ruling sang korte, napaslawan sang prosecutor nga ma-establishar ang direct involvement sang tatlo sa scheme.
Apang, abswelto naman sila nga tanan kalakip si Valdez kag Eligio, sa mas mabug-at nga kaso sang malversation of public funds.
Ang mga ini ang ginhatagan sang option nga serbihan ang minimum penalty nga 24 ka bulan under probation ukon magfile sang motion for reconsideration (MR), kag kun mapaslawan mahimo nga ipasaka ang kaso sa Korte Suprema.
Ginpili ni Valdez ang MR bangod ang pagpili sang una nga option ang magakahulugan sang pag-ako sa krimen sa una nga kaso kun sa diin sila ang acquitted na.
