VP Sara kag legal counsel, ginmanduan sang Korte Suprema nga maghatag komento sa motion for reconsideration sang Kamara sa impeachment case

Ginmanduan sang Korte Suprema sanday Vice President Sara Duterte kag Atty. Israelito Torreon nga magkomento sa motion for reconsideration nga ginfile sang House of Representatives.

Pagkatapos magpasa sang “motion for reconsideration” ang Kamara, gilayon nga nagpagwa sang mando ang Korte Suprema sa duha ka mga petitioners agud ipakigbahin ang ila nga bahin.

Ini ang resulta sang ginpagwa nga en banc session sang Korte Suprema kahapon, Agosto 5.

Sila ang ginhatagan lamang sang indi magnubo napulo ka adlaw agud isumiter ang komento natuhoy sa motion may kaangtanan sa impeachment.

Sa bahin naman sang bise-presidente, ginkumpirmar ni Atty. Michael Poa, legal counsel sini para sa impeachment nga sila ang magasunod sa ginpagwa nga mando sang korte.