Ginserbehan sang panibag-o nga warrant of arrest si anay Bamban, Tarlac Mayor Alice Guo angot sa tatlo ka counts sang paglapas sa Republic Act No. 3019 ukon Anti-Graft and Corrupt Practices Act nga may piyansa nga P90,000 per count.
Ang warrant ang gin-isyu sang Pasig Regional Trial Court Branch 67 kag kalakip sa kaso ang 11 ka iban pa nga indibidwal.
Sa karon, yara si Guo sa Correctional Institution for Women sa Mandaluyong City matapos mapamatud-an nga guilty sa qualified human trafficking kag ginpamatbatan sang reclusion perpetua ukon life imprisonment.
Magluwas kay Guo, ginsentensyahan man sang life imprisonment ang pito ka mga co-accused kag ginmultahan ang kada isa sang P2 million sa tagsa ka kaso.
Ginmando man sang korte ang pagkumpiskar sang P6 billion Baofu compound, kasubong man ang permanente nga pagbawi sa registration sang Baofu Land Development Inc., Hongsheng Gaming Technology Inc., kag Zun Yuan Technology Inc.
