Pormal na nga nabaton sang Department of Foreign Affairs (DFA) ang hingyo sang Estados Unidos nga ipa-extradite sa ila pungsod ang religious leader nga si Pastor Apollo Quiboloy.
Suno sa spokesperson sang DFA nga si Analyn Ratonel, gin-endorso na sang ahensya ang extradition request sa Department of Justice (DOJ) para sa nagakaigo nga proseso.
Si Quiboloy ang mangatubang sa Estados Unidos sa mga kaso nga sex trafficking kag racketeering.
Sang 2021, nagpasaka sang kaso ang mga prosecutor sang Estados Unidos batok sa iya angot sa mga alegasyon nga nagapangganyat ini sang mga kababainhan kag mga menor de edad nga mangin iya personal assistant, apang gina-alegar ginapanghimuslan niya ini sa baylo nga magtrabaho.
Kalakip sa mga biktima ang nagapang-edarun 12 tubtob 25 anyos.
Madumduman nga nalakip man si Quiboloy sa listahan sang Most Wanted sang Federal Bureau of Investigation (FBI).
Sa karon, naka-detain pa si Quiboloy sa Pasig City Jail matapos ini maaresto sadtong 2024.
Nagapangatubang man ini sang madamo nga kaso, kaangay sang paglapas sa Special Protection of Children Against Abuse, Exploitation and Discrimination Act kag qualified human trafficking.
Una na nga ginpanginwala ni Quiboloy ang mga alegasyon kag nag-file sang plea nga not guilty.
