Nagapangatubang sang bag-o nga plunder complaint si former Ako Bicol Party-List Representative Zaldy Co.
Ini ang ginpasa sang National Bureau of Investigation (NBI) sa Department of Justice (DOJ).
Wala naman ginbuyagyag pa sang DOJ kun ang nasambit nga kaso ang naangot sa flood control project kag kun sin-o ang co-respondents ni Co apang suno sa ahensya nga lunsay ini opisyales sang Department of Public Works and Highways (DPWH).
Suno kay DOJ spokesperson Polo Martinez, naumpisahan na nila ang preliminary investigation angot sa kaso.
Dugang pa sini nga ginaimbestigaran naman sang DOJ ang anum ka iban pa nga mga kaso may kaangtanan sa flood control projects sang Wawao Construction kag Topnotch Catalyst Builders.
Sa natumod nga numero, duha diri ang involved sang separado nga complaints nga ginpasaka batok kanday Senator Joel Villanueva kag former senator Bong Revilla.
