Mangatubang sa mga kaso nga plunder, graft, kag indirect bribery si anay Senate President Francis “Chiz” Escudero sa Office of the Ombudsman.
Nahibaluan nga ginrekomenda sang Field Investigation Office (FIO) sang Ombudsman ang pagpasaka sang kaso batok sa senador sang tinalikdan nga Abril 16.
Ginpahayag sa reklamo ang ginaalegar “indirectly received” ni Escudero ang yara sa P306 million kag P280 million bilang kickbacks naggikan sa nagkalain-lain nga flood control projects.
Nakabase ang mga alegasyon sa testimonya ni anay Department of Public Works and Highways (DPWH) Undersecretary Roberto Bernardo, sa diin ginlakip si Maynard Ngu bilang middle man kag bagman ni Escudero.
Ginpanginwala naman ini tanan sang senador kag ginhingyo ang Ombudsman nga indi paghatagan sang immunity si Bernardo kag iban pa nga imbolbado.
Ang Office of the Ombudsman ang magadesisyon kun ipasaka ang kaso sa Sandiganbayan batok kay Escudero.
