Nag-file sang mga kaso ang Office of the Ombudsman sa Sandigabayan batok sa pugante nga si former Ako Bicol Party-list Rep. Zaldy Co kag pila ka mga opisyal sang Department of Public Works and Highways (DPWH) Bulacan 1st District.
Graft kag malversation ang mga kaso nga ginpasaka sang Ombudsman may kaangtanan sa ginapatihan maanomaliya nga flood control project nga nagabalor P77 million sa Balagtas, Bulacan.
Ang kaso nga malversation gin-raffle sa Fourth Division sang Sandiganbayan.
Samtang, ang Fifth Division naman amo ang nagadumala sang kaso nga graft.
Ini matapos matumod sang Ombudsman nga may ‘probable cause’ agud makasohan si Co kag ang mga opisyal sang DPWH.
Si Co ang nagapangatubang man sang mga kaso nga malversation kag graft may kaangtanan sa ginakabig anomalous road dike project sa Naujan, Oriental Mindoro.
