Kalabanan sa aton makasarang lang magpugong sang ginhawa sang pila ka segundos ukon pila ka minutos apang sa insakto nga training, iban mahimo magpugong sang ginhawa sa malawig nga tion.
Sila ang ginatawag nga freedivers.
Matapos magpaidalum sa extensive physical kag mental training, kalakip na ang diaphragmatic breathing, cardiovascular exercise, kag meditation, ang freedivers mahimo makaperform sang mga butang nga kaangay imposible na sa iban.
Si Vitomir Maricic nga isa ka experienced freediver halin sa Croatia, nakaset sang bag-o nga world record para sa longest oxygen-assisted breath-hold sa sulod sang 29 ka minutos kag tatlo ka segundos.
Mahibaluan nga sa pagpugong sang ginhawa, naganubo ang oxygen level sa dugo nga amo ang naga-trigger nga magginhawa liwat ang lawas sang tawo.
Apang ang mga freediver na-ensayo nga batoan ang ini nga reflex tubtob sa ila kasarang.
Samtang, nagapaidalum man sa mental discipline ang mga freedivers agud makontrol ang ila kahadlok kag mangin kalmado sa extreme conditions.
