GDP sang Pilipinas sa 3rd quarter sang 2025, yara lang sa 4 percent

Nagdangat sa 4.0 percent ang Gross Domestic Product (GDP) sang Pilipinas sini nga third quarter sang tuig suno sa Philippine Statistics Authority (PSA).

Ini ang mas manubo kun ipaanggid sa 5.5 percent sini nga second quarter.

Dugang pa diri, manubo man ini sa year-to-date average nga yara karon sa 5.0 percent, mas manubo sa target nga 5.5 percent tubtob sa 6.5 percent.

Pila sa mga main contributors sang GDP subong nga quarter amo ang wholesale kag retail trade; repair sang motor vehicles kag motorcycles nga may 5.0 percent, financial kag insurance activities nga may 5.5 percent, kag professional and business services nga may 6.2 percent.