Nakuha sang Gilas Pilipinas ang crucial win matapos ginlutos ang Iran sa 2027 FIBA World Cup Asian Qualifiers kahapon, Agosto 30.
Apisar dako ang nangin abanse sang Iran sa umpisa sang hampang, nakapangita sang paagi ang Gilas agud makabawi, kaangay na lamang sa nakaligad nila nga hampang.
Humalin sa double-digit deficit, amat-amat nga ginbag-o sang Pilipinas ang dalagan sang hampang tubtob nga na-dominar na nila ang Iran sa fourth quarter.
Nagtapos ang game sa final score nga 68-56, sa Mall of Asia Arena.
Naangkon sang Gilas Pilipinas ang una sini nga kadalag-an kontra Iran sa isa ka major FIBA-sanctioned tournament humalin pa sadtong 2015 FIBA Asia Championship.
Importante man ang nangin resulta para sa ila nga 2027 World Cup campaign bangud nagsaka sa 4-4 ang Group E record sang Pilipinas, rason agud magpabilin ang paglaum para sa World Cup.
Ginpangunahan nanday Dwight Ramos, Kai Sotto, kag Juan Gomez de Liaño ang koponan ilabi na sa mga ulihi nga minuto sang hampang agud makumpleto ang perfect home stand, 2-0.
Samtang, wala naman sang daog ang Iran sa ini nga window kag nagpanaug sa 5-3 ang ila nga record.
