Ginpatuman sang Iran ang rotational brownout sa bug-os nga pungsod nga nag-umpisa kahapon, Nobyembre 22, kasunod sang na-record nga halit sa mayor nga imprastraktura sang kuryente sini may kaangtanan sa nagapadayon nga kinagamo sa Middle East.
Suno sa lider sang national electricity company sang Iran nga si Mohammad Allahdad, napilitan ang sektor nga limitahan ang pagkonsumo sini bangud sa manubo nga suplay sang langis sa pungsod.
Suno diri, ginalauman nga maglawig sang duha ka oras kada adlaw ang mga outages depende sa lugar ukon rehiyon.
Ang ginpatuman nga pagrasyon sang kuryente ang kasunod sang ginpatigayon nga joint-attack sang Estados Unidos kag Israel sa imprastraktura sang enerhiya sang pungsod, kag ini ang nagpalala pa gid sa mahuyang nga supply sang langis sa Iran.
Apisar kilala sa dunang manggad sang langis kag natural gas ang Iran, madugay na nila nga problema ang pag-provide sang supisyente nga kuryente kag enerhiya sa pungsod.












