Ginbatikos sang Senate Minority Bloc ang ginaalegar ”pag-boycott” sang tanan nga myembro sang mayorya sa plenary session kahapon kasunod sang boluntaryo nga pagsurrender ni Senator Jinggoy Estrada sa mga otoridad.
Suno sa 11 ka miyembro sang minority nga ginatawag ‘Solid Bloc-11 (SB-11)’, naghulat sila sang duha ka oras para sa natalana nga 5 p.m. plenary session apang wala ini naumpisahan bangod wala ang presensya sang majority bloc, kalakip na si Senate President Alan Peter Cayetano.
Ginpanindugan sang minorya nga ang “boycott” amo indi para maproteksyunan ang Senado bilang institusyon, kundi reaksyon ini sa mga legal nga tikang batok sa isa ka senador.
Gani sila ang nagapati nga indi dapat gamiton ang “Senate independence” bilang rason bangud ang isyu ang yara na sa proseso sang layi kag hustisya.
Sa isa ka joint statement, ginpahayag sang grupo nga wala sang senador, bloke, ukon presiding officer ang may kontrol sa mga legal nga proseso.
Prangka nila nga ginpahayag nga ang “boycott” ang may kaangtanan sa pag-aresto kay Sen. Jinggoy Estrada.
Dugang pa sang minority bloc, indi dapat maintuan ang publiko sa mga rasun sang liderato nga masami nga ginabali ang kamatuoran.
