Apisar nga pirmado kag napublish na ang Implementing Rules and Regulations (IRR) sang Negros Island Region, aminado ang gobernador sa Negros Occidental nga ini ang mangin fully operational sa 2026 pa.
Ang IRR ang napirmahan na sang Pebrero 3 kag napublish na sa pahayagan, kun sa diin ini ang mangin operational na makaligad sang 15 ka adlaw.
Sa pahayag ni Negros Occidental Governor Eugenio Jose “Bong” Lacson, makabig lamang nga fully operational ang NIR kun may-ara na sang kaugalingon nga budget.
Apang bangod ini ang wala pa nadala sa 2025 General Appropriation Act, sa karun ang pag-operar sang mga bag-o nga regional agencies ang paagi lamang sa alokasyon gikan sa Region 6 kag Region 7.
Bangod sa wala pa sang budget, indi paman kompleto ang pagtukod sang Regional Offices kag madamo pa sang ahensya sang gobyerno nga wala pa nakabutang sang magapungko nga Regional Directors.
Samtang ang iban nga ahensya ang ginpangitaan lamang nila sang mga temporaryo nga opisina tubtob nga makaangkon na sang kaugalingon nga pondo sa 2026.
Pasalig ni Lacson nga sa paglegislate sang 2026 National Budget, makabahin na ang pondo para sa Negros Island Region.
