Wish ni Negros Occidental Governor Eugenio Jose “Bong” Lacson nga ang UNegA kag Love Negros ang may yara sang common nga kandidato para sa 2028 elections, ilabi na sa posisyon sang gobernador kag bise-gobernador sang probinsya.
Ini matapos maglapta ang balita nga posible magkasumpong sa pagka-gobernador sanday Congressman Thirdy Marañon, chairman sang UNegA, kag Congressman Javi Benitez, nga miyembro sang Love Negros.
Suno kay Governor Lacson, kun matabo nga mag-atubangay sa eleksyon ang duha ka kandidato halin sa duha ka partido, tinguhaan nila nga maplastar ang sitwasyon agud mapadayon ang coalition sang UNegA kag Love Negros.
Samtang wala pa sang pormal ukon written agreement kun sin-o ang mangin kandidato sa 2028 elections, luyag ni Lacson nga mapabilin ang alyansa sang duha ka partido kag malikawan ang pagbinahin-bahin sa palaabuton nga piniliay.
Samtang, magatakop na ang termino ni Governor Lacson sa tuig 2028.
Sa karun, nagapadayon ang paghulat kun sin-o ang mangin opisyal nga kandidato sang coalition para sa pagka-gobernador kag bise-gobernador sang Negros Occidental sa 2028.
