Ginkumpirmar sang Department of Budget and Management (DBM) nga may yara sang P238 billion nga pondo ang gobyerno para masabat ang epekto sang gina-eksperyensya nga oil shock sa Pilipinas.
Sa hearing sang LEAD Committee sa Kamara, ginpahayag ni Acting Budget Secretary Rolando Toledo nga ang pondo ang kuhaon sa 2026 budget kag mga continuing appropriations sang Marcos Administration.
Nahibaluan nga napagwa na ang P3.5 billon para sa transportasyon kag P10 billion para sa presidential assistance sa mga sektor sang agrikultura kag pangisdaan.
Magluwas sa transportasyon kag pagkaon, padayon ang pagpanagtag sang bulig pinansyal pinaagi sa programa nga AICS kag suporta para sa mga OFWs.
Ginsiguro man sang DBM sa mga mamalidha sa idalom nanday Speaker Bojie Dy III kag Representative Miro Quimbo nga handa ang gobyerno nga pasanyugon ang mga safety-net programs kaangay sang TUPAD kun magalala pa ang sitwasyon sa global market sang langis.
