Ginhangkat sang Chinese Embassy ang gobyerno sang Pilipinas nga i-ban ang Philippine Offshore Gaming Operations (POGO) sa pungsod kun sa diin kalabanan ang mga Chinese nationals.
Suno sa embahada, ang layi sa China ang nagadumili sa maskin ano nga sahi sang gambling kag hugot nga ginacrack down sang ila gobyerno ang tanan nga Chinese citizens nga nagapakigbahin sa gambling business sa luwas sang ila pungsod lakip na ang POGO.
Suno diri, ang POGO ang makatuga sang halit lunsay sa interest kag imahe sang Pilipinas kag China kasubong man sa relasyon sang China kag Pilipinas.
Sila ang nagpanawagan man sa gobyerno nga i-ban ang POGO agud mahukas ang ini nga masakit sa sosyodad.
Suno pa diri, hugot nila nga ginapamatukan ang maskin ano nga mga akusasyon nga wala sang basehan kag nagaangot sa China sa POGO.
