Nagpatigayon sang New Year’s call ang Negros Occidental Police Provincial Office kay Governor Eugenio Jose “Bong” Lacson kahapon sang aga kag ini ang gintambungan sang mga chief of police sang kada banwa kag ciudad sa probinsya subong man sang iban pa nga mga Philippine National Police support unit.
Sa mensahe ni Lacson kahapon, iya gin-emphasize ang importansya sang police visibility sa kada banwa kag ciudad sa probinsya bangud isa ini ka pamaagi agud makatuga sang pagsalig kag koneksyon sa mga pumuluyo.
Ginhangkat man sini ang mga kapulisan nga mngin vigilante sa pagpatigayon sang border control, check point kag pag-implementar sang pagsulundan.
Nagpahanumdum man ang gobernador nga apisar nga ginapatuman sang mga otoridad ang layi kag kasuguan, dapat sila man ang mangin moral.
Nagapasalamat naman si Provincial Director Pol. Col. Romeo Palgue nga nagpanguna ang NOCPPO sa unit performance evaluation rating kag individual commander evaluation rating sa Police Regional Office 6 humalin sang Hunyo tubtob Disyembre 2020.
Suno kay Palgue, nagpanguna ang probinsya bangud man sa pangamuyo kag suporta sang mga Negrense, stakeholders, local chief executives kag guidance snag regional headquarters kag national headquarters.
Iya man ginpahayg nga ang kapulisan kag kamatuoran amo ang kalinong.
