Ginpatigayon ang grand launching sang 30th Panaad sa Negros Festival subong nga hapon.
Sa interview sang Bombo Radyo Bacolod kay Panaad Festival Director Charina Magallanes Tan, ang Panaad Festival 2026 ang maga-umpisa Abril 13 tubtob 19.
Bangod ini ang ika-30 ka tuig nga pagpatigayon sang Panaad sa Negros Festival, mas mangin memorable ang mga aktibidad kag ila man nga ishowcase kun paano nagsanyog ang probinsya.
Suno diri, madamo sang mga gindugang nga aktibidad.
Subong nga hapon, patigayunon man ang sashing sang Lin-ay sang Negros sa Capitol step ukon sa atubang sang Negros Occidental Provincial Capitol, nga pangunahan ni Governor Eugenio Jose “Bong” Lacson.
Ini ang una nga kahigayunan nga kompleto nga 32 ka mga Lin-ay ang nagpasakop gikan sa 31 ka banwa kag ciudad sa Negros Occidental kag sa Bacolod City.
Suno kay Tan, ilunsyar man nila ang panibag-o nga MTV sang probinsya.
Ginklaro naman ni Tan nga ang Mr Pilipinas Worldwide candidates ang nagkadto sa Negros Occidental para sa patigayunon nga shoot sa Talisay City kag Salvador Benedicto.
Ginrekomendar lamang sini nga temparno pa nga makabisita ang Mr Pilipinas candidate agud nga maka-upod sa programa.
May-ara man sang magaperform nga banda matapos sang sashing event.
