Ginhangkat sang grupo sang mga anay Philippine National Police (PNP) chief ang Philippine Amusement Gaming Corporation (PAGCOR) nga pangalanan ang anay hepe nga ginapahayag nga nagbulig kay anay dismissed Bamban, Tarlac Mayor Alice Guo nga makagwa sang pungsod.
Sa isa ka pahayag, ginkondenar sang nasambit nga grupo nga ginpangunahan ni Renato de Villa kag Edgar Aglipay ang ginbuy-an nga pahayag ni Pagcor senior vice president for Security and Couster Monitoring Raul Villanueva bangud ang alegasyon sini ang irresponsable kag nakabase lang sa unvalidated information kag tsismis.
Suno mga anay PNP chief, ang mabug-at nga akusasyon nga ini ang nagatuga sang kahuy-anan sa ila nga tanan nga naghatag sang serbisyo kag kabuhi sa pagserbe sa sa pungsod kag sa mga Pilipino.
Madumduman nga sang Sept. 17 hearing, ginpahayag ni Villanueva nga isa ka anay PNP Chief ang nagbulig kay Guo kag yara pa sa monthly payola ang pagpahalin sa alkalde.
