Ginapahayag man sang chief executive officer sang Metro Bacolod Chamber of Commerce and Industry (MBCCI) nga kulang para sa isa ka pamilya ang income nga P12,000 kada bulan.
Suno kay Frank Carbon, kun ang isa ka miyembro sang pamilya ang nagakadto sa merkado kag nagapamalaklon, makita sini nga tuman ka mahal ang mga balaklon.
Suno kay Carbon, indi man makita nga nagsaka ang purchasing power sang mga mamumugon bangud tuman na kamahal ang balaklon.
Suno diri, halimbawa lamang sang talong nga mabakal sadto sang lima ka pisos ang bilog apang sa karun, tag P10 na ang isa kun sa diin nagdoble na ang presyo.
Makita man sa karun nga ang mga kasag kag pasayan ang nagadiutay nalang bangud maninit naman ang ginakuha nga supply sa dagat.
Ginpahayag man sini nga maathag naman nga kulang katama ang trabaho bangud kaangay lamang sa malls nga sang antes ang pandemic tag-15 pa ka counters kag punuan apang sa karun duha ukon tatlo nalang ang makita nga cashiers.
Samtang sa mga restaurants naman, nagshifting naman ang mga waiters.
Suno kay Carbon, bangud sa sitwasyon, pila sa mga empleyado ang nagakaon nalang sang duha ka beses sa isa ka adlaw agud nga makaigo ang budget.
Suno diri, dapat nagapanaog ang mga economic advisers sang presidente agud nga makita ang matuod nga sitwasyon sang mga pumuluyo.
